Serokwezîrê Îraqê îro serdana Hewlêrê kiriye.

Îro li Pîrmamê Serok Barzanî pêşwaziya Serokwezîrê Îraqê Mistefa Kazimî kir.

Di civînê de ku wezîrê derve, wezîrê berevanî û wezîrê navxwe yê Îraqê û Serokwezîrê Kurdistanê Mesrûr Barzanî û wezîrê navxwe yê Kurdistanê jî têde beşdar bûn, Serokwezîrê Îraqê hevsozî û hevxemiya xwe bo xelkê Kurdistanê û Hewlêrê diyar kir û ragihand ku êrîşa mûşekî yaku bi ser Hewlêrê hatiye kirin, kareke têkder û destdirêjiye bo ser serweriya tevahiya Îraqê.

Serokwezîrê Îraqê diyar kir ku, komîteyeke taybet bo venêrîn kirin li ser gote gotên nerast hatiye damezrandin û vê rastiyan bo raya giştî eşkere bike.

Her di heman civînê de her du aliyan nîqaş li ser sedem û bandorên êrîşên han kirin û tekez li ser hemahengî û karên hevbeş yên her du aliyan bo parastina aramiya Kurdistan û Îraqa federal kirin.

Prosesa siyasiya Îraqê û metirsiyên berdem prosesa han mijarên din yên civînê bûn.