kurd û sunine le naw em nexşe siyasîye tazeyeyi 'êraqda
pêkhateyi 'erebî sunine le 'êraqda be gşitî û her dû layenî hawpeyman «'ezim û teqdum» deyanewêt sûd le ezimûnî herêmî kurdistan û lojîkî serok barizanî werbigirin, emeş bew manayeyi «bo ayinde birrwanin, nek bo rabrdû bigirîn». leser em binemaye legell ew boçûne lojîkîyeyi serok barizanî yek degirinewe ke her le seretayi rûxanî rjêmî pêşuwî 'êraqewe le dwayi sallî 2003 cextî le ser dekatewe, beweyi debêt hersê pêkhate serekîyekeyi 'êraq (kurd û sunine û şî'e» her yekeyan bepêyi destûrî 'êraq le çwarçêweyi dewlletêkî fîdrrallîda xoyan ḧukmirranîyi nawçe û herêmekanî xoyan biken, 'erebî sunine ke dwayi şerrî dijî da'ş hatûnete ser waqî'î çend parêzgayekî kawl, ewa geyşitûnete qena'et, eger xoyan hewll neden şarekanî xoyan awedan bikenewe, ewa kes boyan awedan nakatewe, lemeş ziyatir le katêkda ke paşagerdanîye siyasîyeke kewtuwete nêwmallî şî'e, ewa karêkî başe legell ew waqî'e tazeye mamelle biken, ke 'erebî şî'e be naçarî bwar dedat, xoyan ew rolle bo xoyan bigêrrin.

sebaret be herêmî kurdistan û astî beşdarî le ḧkumetî dahatuwî 'êraqda, şitêkî taze le naw hawkêşeke bo arasteyi siyasetî herêmî kurdistan negorrawe û, zor le mêje serok barizanî pêyi rageyandûn: «nabêt 'erebî sunine bo rabrdû bigiryêt û şî'eş xewn bewewe bibînêt ke be teniya ḧukmirranîyi 'êraq bikat», rûdawekanî 18 sallî rabrdû gewahîderî ew rastîyen ke hemû ew kêşaneyi rûberruwî 'êraq bûnewe û êsta kelleke bûn, çareseryan zeḧmet buwe, ewe akamî cêbecênekrdinî ew gutare siyasîye bû ke serok barizanî arasteyi dekrdin, boye le êstada ke be şêweyekî gşitî û naçarî ew qena'ete drust buwe ke debêt her pêkhateyek be qewareyi xoyi bîr le ayindeyi 'êraq bikatewe û, be qewareyi xoyi maf û beşdarî le prose siyasîyekeda hebêt, ewa bo layenî kurdî cêgeyi xoşḧallîye ke proseke berew rastkrdineweyekî erênî derrwat û, mercî serkewtinî layenî kurdîş lem hawkêşe tazeyeda yekrrîzî û yekhellwêstîyi layene kurdistanîyekane be gşitî û partî û yekêtî betaybetî, emeş erk û berprsiyariyetîyeke dekewête ser şanî hemuwan û giringîşe hemû layek le astî ew berprsiyariyetîyeda bin û, çîtir hîç layek be tiyorî domîne mamelle nekat û hemû pêkewe leser ew texteyi şetirence kobibinewe ke serok barizanî cûlleyi lojîkaneyi leser dekat.