Hêzeke milîs li rojavayê Kurdistanê li dijî hêzên Amerîka ava bûye û gef li Amerîka dike.

Li gor torên civakî û çavkaniyên nûçeyên navxweyî yên Sûriyê behsa wê yekê dikin ku grubek çekdar a bi navê ‘’Berevaniya Mîllî li navçeyên Rojhilat’’ ku ala rejîma Sûriyê di nava logoya wan de heye û li dijî hêzên Amerîka, li rojhilatê çemê Firatê ava bûye.

Wê grubê di beyanameya damezrandina xwe de, gef li hêzên Amerîkî yên li navçeyê kirin û ragehand; ‘’Dê li dijî hêzên Amerîka yên dagirker û hevpeymanên wê şer bikin.’’

Di çarçoveya şerê dijî rêxistina terorîst a DAIŞê de, Amerîka hêzek rêkiriye navçeyê ku serpereştiya wê û ya şer Hêzên Sûriyeya Demokratîk (HSD) li dijî DAIŞê dike.

HSD hêzeke leşkeriye û bi piştevaniya Amerîka bo rizgar kirina navçeyên dagirkirî yên rojavayê Kurdistanê û Sûriyê li dijî rêxistina terorîst a DAIŞê pêkhatiye. Yekîneyên Parastina Gel (YPG) ku baskê leşkerî yê PKKê yê rojavayê Kurdistanê ye, hêza serpereşt û serekî ya HSDê ye.

Basnews