Serokê Herêma Kurdistanê û Serokê Partiya Demokrata Kurdistanê Mesûd Barzanî li Pîrmamê pêşwazî li Desteya Serokatiya Encûmena Niştimanî ya Kurdî li Sûriyeyê (ENKS) kir û bi wan re rewşa Efrînê gotûbêj kir.

Barzanî rûdanên siyasî û ewlekariyê yên Rojava û herêma Efrînê, pêşeroja rojhilatê çemê Firatê û hevkêşeyên leşkerî û siyasî yên li wê herêmê gotûbêj kirine.

Desteya Serokatiya ENKSê jî di civînê de behsa têkiliyên xwe yên li gel hêzên siyasî yên Rojava û aliyên din ên Sûriyeyê û çalakiyên xwe kir.

Li gorî agahiyan, Barzanî jî behsa pêşeroja gelê kurd li Sûriyeyê û astengên li pêşberî wan kiriye û herwiha nerînên xwe li ser Rojava ji şandeya mêvan re ragihandin.

Waar.tv