Rojnamevanê Kurd bi nîşandana wêneyên zarokên Efrînê Serokwezîrê tirk aciz dike
Di dema birêveçûna civînê de rojnamevanekî Kurd Armanc Egîd Nêrweyî ku berî niha xebatkarê BasNewsê bû û niha weke freelance karê xwe berdewam dike wêneyên zarokên Efrînî yên ku di êriş û bordûmanên Tirkiyê de birîndar bûne nîşanî serokwezîrê Tirk Bînalî Yildirim dan.
Serokwezîrî tirk Bînalî Yildirim jî bi dîtîna van wêneyêan pêşiyê bi ken bertek nîşan da û piştre jî aciz bû. Lêbelê rojnamegerê Kurd jî her li ser bilindkirina wêneyên zarokên Efrînê yên mexdûrê êrişên Tirkiyê berdewam kir û piştre pasewanên Yildirim ew wêne ji destê rojnamevanê Kurd wergirtin.
Serokwezîrê Tirkiyê Binalî Yildirim jî li ser vê yekê aciz bû û bertek nîşanî wî rojnamegerê Kurd da û îdîa kir ku ew wêne ne yên Efrînê ne û wiha got, ‘Propagandayê neke. Ew wêneyên bûyerên cuda ne. Eger tu bixwazî tiştên li Efrînê diqewimin bibînî were li wir bibîne. Hewl nede ku balê bikişînî ser.’
Artêşa Tirk û çekdarên girêdayî wê ev nêzî mehekê ye bi hemû hêza xwe êrişî Efrîna Rojavayê Kurdistanê dikin û heta niha hejmareke mezin ya xelkê sivîl bûne qurbaniyên van êrişan.
Basnews
