Balyozxaneya Îranê ya Enqereyê, di erefaya sala nû de ewlehiya Tirkiyeyê wek sedem nîşan da û hemwelatiyên xwe ji bo çûyina Tirkiyeyê hişyar kir.

Di danezana ji aliyê balyozxaneyê ve ji çapemeniya Îranê re hat şandin de ‘Ji ber rewşa derasayî û hişyariyên rayedarên Tirkiyeyê’ wek sedem hat nîşandayin û welatiyên xwe ji bo çûyina Tirkiyeyê hişyar kir.

Ji aliyê din ve di daxuyaniya ku ji aliyê ajansa fermî ya Îranê (ÎRA) û çend ajansên din hat weşandin de, hat xwestin ku hemwelatiyên Îranê yên li Tirkiyeyê ji cihê qelebalix dûr bisekinin.

Ewlehiya ji bo pîrozbahiyên sersalê yên navçeya Beşiktaşê û çend navçeyên din yên Stenbolê tên stendin, di daxuyaniyê de wek mînak cih girt.

Waar.tv