Wezîrê Derve yê Çînê bi rêya Konsulê Giştî yê welatê xwe, peyameke ji Serokwezîrê Herêma Kurdistanê Nêçîrvan Barzanî re şand û daxwaz kir ku li ser bingeha destûra Iraqê, pirsgirêk werin çareserkirin.

Îro 28ê Mijdara 2017an Serokwezîrê Herêma Kurdistanê Nêçîrvan Barzanî pêşwazî li Konsulê Giştî yê Komara Gel a Çînê yê li Herêma Kurdistanê Tan Banglin û şanda li gel wî kir.

Li gor ragihandina Encumena Wezîran a Herêma Kurdistanê, Wezîrê Derve yê Çînê Wang Ye Ho di peyama xwe de hêviya xwe aniye ziman ku aramiya van demên dawî ku di navbera Hewlêr û Bexdayê de çêbûye were parastin û diyar kiriye, ku ji aloziyê dûr, bi rêya diyalogê û li ser bingeha destûra Iraqê, pirsgirêk werin çareserkirin û mafên hemû pêkhateyan werin garantîkirin.

Serokwezîrê Herêma Kurdistanê Nêçîrvan Barzanîn ji bo nameyê spasiya Wezîrê Derve û Konsulê Giştî yê Çînê kir ku “bi awayekî herî baş hewl dane peywendiyên navbera Hewlêr û Pekînê were pêşxistin.”

Nêçîrvan Barzanî bal kişandiye ser wê yekê, ku ew daxwaz dikin pewendiyên xurt ên Herêma Kurdistanê û Çînê hebin, bi taybetî jî di warê veberhênanê de.

Barzanî tekezî li ser wê jî kiriye ku “Herêma Kurdistanê her dem amade bûye ji bo gotûbêj û diyaloga cidî ya li ser bingeha destûrê li gel Bexdayê û ji bo ku alozî cardin dubare nebin hewldanên cidî didin.”

Rudaw