Zanayên Îslamî helmetek bo piştevaniya serxwebûna Kurdistanê ragehandin!
Serokê Yekitiya Zanayên ola Îslamî yên Kurdistnaê Ebdula Seîd Weysî ji BasNewsê re ragehandin, bernameyek bihêz darijandine bo ku helmeta ‘’Belê’’ bo referandom birêve biçe, ku mamostayên olî dê ji mizgeftan ve vê helmetê birêve dibin.
Ebdula Seîd Weysî amaje bi rola mîmbera mizgeftên Kurdistanê ya di qonaxên cuda cuda yên şoreşea Kurdistanê kir û ragehand: ‘’Wek erkeke olî û netewî ye, mamostayên olî bi serbilindî xelkê misliman ên Kurdistanê teşfîq bikin di vê pirsa netewî de rol bigrin û li gor nivîsa pîroz a Qur’anê û hedîsan xelkî ronahî bikin.’’
Di civîna 07.06.2017ê de serokê herêma Kurdistanê Mesûd Barzanî û nûner û rêveberên partî û aliyên siyasî yên Kurdistanê biryar dan roja 25ê Îlonê 2017ê li herêma Kurdistanê, Kerkûk û navçeyên Kurdistanê yên dervey îdareya herêma Kurdistanê referandoma serxwebûna Kurdistanê pêkbê.
Basnews
