Rewangeha Aşûrî ya Mafê Mirovan ragihand, ku grûpeke nenas akademîsiyenê Aşûrî Dr. Ilyas Kifarkîs Ishaq ku berpirsê fakulteya Endazyariya (Muhendisiya) çandiniyê li zanîngeha Firat a Hesekê bû, revandin û piştî sê rojan cenazeyê wî hate dîtin.

Rewangeha Aşûrî ya Mafê Mirovan tekez kir, ku cenazeyê Dr. Ilyas Kifarkîs Ishaq li ser riya navbera Hesekê û bajarokê Til Temirê hate dîtin ku cihên gule bi sere wî ve diyar bûn.

Heman rewangehê hikumeta Sûriyê û Rêveberiya Xweser a Rojavayê Kurdistanê, li hember kuştina wî kesê aşûrî weke berpirsyar nîşan dan û daxwaz kir, kesên tawankar were eşkere kirin.

Rewangeha Aşûrî ya Mafê Mirovan herwiha da xuyakirin, ku hikûmeta Sûriyê û bi gotina wê milîsên rêveberiya kurdî di deshilata herêmê de hevpar in.

Heman çavkaniya naborî diyar kir, ev tawan nimûneyeke ku pêkhateya Aşûrî li Sûriyê dibe armanc û hewl tê dayin, ku ji axa xwe ya dîrokî were dûrxistin.

Dr. Ilyas Ssihaq ji gundê Til Şamîran a ser bi Til Temirê ve ye û diktora ji zanîngeha Buznan a Bolonyayê wergirtiye û du zarokên wî hene.

Rudaw