Piştî ku hat ragihandin Tirkiye dê operasyonên hewayî û yên bejayî li dijî bajarê Efrînê pêk bîne, Berdevkê YPGê Nûrî Mehmûdî ragihand ku Tirkiye destwerdanê bike, ew ê xwe biparêzin û li ser bingehê xweparastina meşrû tevbigerin.
Li gorî agahiyên hatin wergirtin Artêşa Tirkiyeyê hejmarek zêde leşker û amûrên leşkerî ku li hemberî bajarê Efrînê ku di bin kontrola YPGê ye operasyon pêk bîne şandiye ser sînor.
Berdevkê YPGê Nûrî Mehmûd ji Sputnikê re di derbarê mijarê de axivî û piştrast kir ku Tirkiye hejmarek zêde leşker şandine ser sînorê Efrînê û ji bo Tirkiye êrişî Efrînê bike sewqiyatan dike. Memûd diyar kir ku êrişî li hemberî Efrînê qebûl nakin, dê bi hemû hêza xwe Efrînê biparêzin û got: "Tirkiye çek û leşkerên xwe anî axa Sûriyeyê. Niha li herêmên Ezez û Merayê bicih bûne. Leşkerên xwe li ser sînorê Sûriyeyê bicih dikin. Armanca bicihkirina leşkeran Telrifat e. Tirkiye dixwaze êrişî Efrînê bike, ji êriş dibe bila bibe em ê Efrînê biparêzin.