Endamê polîtburoya PDKê Hoşyar Zêbarî ragihand, bi konsolê Îranê li Hewlêrê re behsa referandoma serxwebûna Kurdistanê kiriye.

Hoşyar Zêbarî îro li ser rûpela xwe ya facebookê ragihandiye, li Hewlêrê li mala xwe pêşwazî li konsolê Îranê li Hewlêrê Murteza Ebadî û şanda pê re kiriye.

Zêbarî, ku dê bibe serokê komîteya referandomê jî, daye zanîn ku bi şanda îranî re behsa pêwendiyên Îran, Herêma Kurdistan û Iraqê her wiha behsa referandoma serxwebûna Başûrê Kurdistanê kiriye.

Îran yekemîn welat e ku bi eşkere dijîtiya xwe bo encamdana referandoma serxwebûna Kurdistanê nîşan daye.

Basnews