Şeva borî DAIŞê nêzîk Xurmatû êrîş kir ser çeperên Pêşmerge û berpirsekê jî ragehand êrîşa DAIŞê hate têkbirin û ziyanek mezin geheştiye wan.

Berpirsê navçeya PDKê Ehmed Şêx Lengerî ji BasNewsê re ragehand: ‘’Şeva borî demjimêr 11:00ê DAIŞê ji sê aliyan ve û li eniya Zerge, Hilêwe û Ebûd ve êrîş kir ser hêzên Pêşmerge û ji aliyê hêzên Pêşmerge ve êrîş hate têkbirin û ziyaneke mezin geheşte DAIŞê û hejmarek zêde ji wan kes hatin kuştin.’’

Herwaha got: ‘’Piştî du demjimêran ango demjimêr 01:00ê şevê şer bi dawîbû.’’

Derbarê armanca êrîşên DAIŞê yên li Xurmatû jî heman berpirsê navborî ragehand: ‘’Ji ber şikesta DAIŞê ya li Mûsilê ew çekdarên ku ji wê deverê revîne hatine navçeyên Xurmatû û dixwazin vê derê bikarbînin û derbasbin bo navçeyên parêzgehên Diyala û Zincibre û çiyayê Hemrîn.’’

Basnews