Hat ragihandin li navçeya Îpekyolu ya Wanê dema ku polîsan Tirkiyê xwestin mayinekê pûç bikin, ew mayin bi wan de teqiya û di encamê de 2 polîsan jiyana xwe ji dest dan û yek jî birîndar bû.

Li gor agahiyan îro saet 09.30ê polîsan mayinek li navçeya Îpekyoliyê ya Wanê dîtin û dema xwestin wê bêbandor bikin bi wan de teqiya.

Di encama teqîna wê mayinê de du polis hatin kuştin û yek birîndar bû.

Li gorî medyaya Tirkiyê gerîlayên PKKê li ser rêyeke navçeya Îpekyolê ew mayin çandibûn.

Ew polîsê birîndar rakirin nexweşxaneya dewletê û hêzên ewlekariya Tirkiyê li navçeya Îpekyolê dest bi operasyonê kirin û hemû rêyên çûnhatina vê navçeyê girtin.

Rudaw