Cîgirê serokê Amerîkayê Joe Biden hefteya borî ji nişkê ve serdana Bexdayê kir û bi Serokwezîrê Iraqê Heyder Ebadî re hevdîtinek pêk anî. Piştî serdana Bexdayê Biden çû Hewlêrê û bi Serokê Herêma Kurdistanê Mesûd Barzanî re jî hevdîtinek pêk anî.

Gava Biden li Bexdayê bû, serdana Balyozxaneya Amerîkayê li Iraqê kir û li wê derê daxuyaniyên balkêş dan ji bo Iraqê û wiha axivî: "Ev cihên em îro we dişîninê ku hûn aştiyê bînin, ew bi xwe di dîrokê de ji aliyê etnîkî, olî û çandayî ji hev cuda ne û me sînorên wan danîne. Dewletên çêkirî ne".

New York Times diyar dike ku berê jî Joe Biden bang dikir ku Iraq di navbera şîayan, sûniyan û kurdan de dabeş bibe lê piştî ku hat erka cîgiriya serokatiyê herdem yekbûna Iraqê parast.

Ji aliyekî din ve, rojnameyê ragihand ku rayedarên NY’ê hêdî hêdî û bêdeng dest bi xebatekê kiriye ta ku bizanin bê cîhan dê çawa li perçebûna Iraqê binêre.

Basnews