Berdevkê Pêşmergeyên Zêrevanî Lîwa Azad Hewêzî ragihand ku vê sibê li eniya Keskê çekdarên DAIŞê êrîşî hêzên Pêşmerge kirine û Pêşmergeyan jî bi tundî bersiva wan dane.

Derbarê êrîşa îro de Azad Hewêzî agahî dan Kurdistan24ê û got: "Îro saet 6ê serê sibehê ji ber ku gelek mij û dûman hebû çekdarên DAIŞê li eniya Keskê êrîşî Pêşmergeyan kirin û Pêşmergeyan jî bi tundî bersiva wan dan."

Hewêzî da zanîn ku çekdarên DAIŞê êrîşî sêrêya Keskê, birca Keskê ê Aska Mûsilê kirine lê Pêşmerge rûbirûyê wan bûne û nehiştine gavekê jî pêşde werin.

Li gor Hewêzî heta niha jî nav bi nav şer berdewam e û firokên şer ên Hêzên Hevpeyman jî li eniya Keskê çekdarên DAIŞê bombebaran dikin.

Basnews