Piştî banga HDPê ji bo meşê, walîtiya Amedê qedexeyek din danî ser Sûrê û ketin û derketin ji kesên ku ne xelkê navçeya Sûrê ya Amedê ne, re qedexe kir. Wezîrê Hundir ê Tirkiyê jî ji ber bangawaziyê, gef li HDPê xwar.

Li ser banga hevserokê HDPê Selahedîn Demîrtaş, îro saet 16:00 bi dema Amedê (17:00 bi dema Hewlêrê) dê Amedî ber bi navçeya Sûrê ve bimeşin û li dijî qedexe û operasyonan, nerazîbûna xwe nîşan bidin.

Ji aliyekî din, walîtiya Amedê jî ferman da, ji saet 12:00ê îro de ew kesên ku xelkê Sûrê nînin, nikarin derbasî nav Sûrê bibin.

Wezîrê Hundir ê Tirkiyê Efkan Alan jî derheqê meşa HDPê de gef li Demîrtaş xwar û got, banga Demîrtaş provaksiyon e û ewên ku provaksiyonê jî bikin dê bersiva xwe bigirin.

Li hember vê yekê, Demîrtaş bersiva Efkan Ala da û got, hûn bi tehdîdkirina me nikarin ti arîşeyekî çareser bikin. Em ji xeynî Xwedê ji ti kesî natirsin. Hûn vê yekê baş dizanin.

Rudaw