Qaymeqamê Şengalê diyar kir, PKK pirsgirêk ji bo bajêr avakirine û naha jî tê xwestin ku bi rêya yasa danûstandin li gel wan bê kirin.

Qaymeqamê Şengalê Mehma Xelîl ji BasNewsê re ragehand: ‘’Beşek ji saziyên hikûmetê yên li Şengalê ji aliyê PKKê ve dest li ser hatiye danîn, gelek car me ji wan xwest ku wan cîhan vala bikin, lê amade nînin ku guhbidin wan daxwazan û naha jî, me ji wan re ragehandiye ku eger amade nînin vala bikin û biçin der, naçarin nêzîkatiyên li gor yasa li gel wan bikin. ‘’

Qaymeqamê Şengalê diyar kir, gelek car PKK hatiye agahdar kirin ku pirsgirêkan ji bo avaneke, lê guh nadin me û got: PKK û berpirsên wan ji me re dibêjin em bi fermana Bexdayê dikarin wan awahiyan vala bikin û em ferman ji Bexdayê werdigrin.’’

Basnews