Roja yekşemê 28.02.2016 ê de ji sed kesî zêdetir ku xwe wek Şîeyên velayetê pênase dikirin li bajarê Şahabad ê ku dikeve ser parezgeha Kirmaşanê êrî kirin ser cemxane ango perestgeha ola Yarisaniyan û bi dar û beran cam û tişten wê şikandin û zerer û ziyan dan awahiya cemxaneyê.

Li gor raporta Komeleya Mafê Mirov a Kurdistanê, ew sed kesane bi piştiwaniya hêzên ewlekariya hikûmetê ew kare kirine û bi dirûşmên dijî ola Yarisanî û têkbirina wan û sivikatî li vê olê kirine.
Tê gotin ku kesên ku li ser ola Yarisanî li wê derê amade bun, sivikayî li wan hatiye kirin û hatine lêdan.
Berî şoreşa Îslamî ya Îranê piraniya rûniştwanên bajarê Şahabadê ji kesên Yarisanî pêkdihat. Lê piştî şoreşa Îslamê zext û fişarên hikûmetê û Şîeyên tûnd beşek ji wan hatine koçber kirin û piranî berê xwe dan bajarên Îranê yên din û bi taybet jî beşekê berê xwe da başûrê Kurdistanê.

Li gor dîtina Komara Îslamî ya Îranê ola Yarisanî, Kakeyî û Ehlî heq bi tekfîr ango ji rê derkevtinên ola Îslamê ne û çalakiyên wan ên olî tê qedexekirin û salane bi dehan çalakwanên ola Yarisanê tên girtin û zîndanî kirin.

Basnews