Bi serperiştya pisporên leşkerî yên Amerîka, perwerdeya du tabûrên Pêşmerge dest pê kir.

Rêveberê giştî yê ragihandina Wezareta Pêşmerge, Helgord Hîkmet ji Rûdawê re ragihand ku perwerdeya 2 tabûrên herî kevin yên Pêşmerge, dê îro ji aliyê pisporên amerîkî ve dest pê bike û got, ew hêz dê li sînorê Kerkûkê bên bicîkirin.

Helgord Hîkmet her wiha eşkere kir ku ev rahênan dê 10 hefteyan berdewam bike û piştî ku perwerde xilas bû ew du tabûr dê ji aliyê Amerîka ve bên çekdarkirin.

Hejmara her tabûreke Pêşmerge nêzîkî 2500 pêşmergeyan dibe, bi vî rengî hejmara wan pêşmergeyên ku îro dest bi perwerdeyê kirin, derdora 5 hezarî ye.

Rudaw