Rayedarê Alman: Gelek dostên Kurdan hene
Cîgirê Serokê Giştî yê CDU ya hevpara hikûmeta Almanyayê Armin Laschet ji Kongreya Ewlehiyê ya Munichê beşdarî bultena Rûdawê bû û daxuyanî da.
Armin Laschet ragihand, Almanya li Kurdistanê aramî û îstikrarê dixwaze û dê alîkariya Serokê Herêma Kurdistanê Mesûd Barzanî bikin.
Laschet diyar kir haya wan ji serkeftinên Kurdistanê yên li hemberî DAIŞê heye û got, Hêzên Pêşmerge ser navê tevahiya cîhanê şerê DAIŞê dikin.
Îro 52mîn Konfransa Ewlekariya Munichê bi beşdariya 450 kesatiyên siyasî yên cîhanê des pê kir û dê heya 14ê Sibatê bidome.
Di konfransa wê care de dê bi giştî rewşa ewlehiya cîhanê, şerê li dijî DAIŞê û şerê li Sûriyê û kirîza mirovî ya koçberan tên gotûbêjkirin.
Serokê Herêma Kurdisanê Mesûd Barzanî jî di konfransa vê carê de amade ye heya niha çend hevdîtin ligel rayedar, berpirs û serokên welatên cuda re pêk aniye.
Rudaw
