Kongreya PYDê dest pê kir
Îro şeşemîn kongreya PYDê li bajarokê Rimêlanê yê girêdayî bajarê Dêrikê yê Rojavayê Kurdistanê bi amadebûna 300 delegeyî ji hersê kantonên Rojava û 300 mêvanî saet 09:20 dest pê kir.
Li gorî agahiyên Rûdawê, nûnerên partiyên Başûr û Bakurê Kurdistanê jî beşdarî kongreya PYDê dibin û di nav wan de nûnerên sê partiyên mezin ên Kurdistanê (PDK, YNK û HDP) hene.
Şanda PDKê bi serokatiya endamê Polîtburoya wê partiyê Kemal Kerkûkî û şanda YNKê bi serokatiya Sekreterê Polîtburoya wê partiyê Mela Bextiyar duh derbasî Rojavayê Kurdistanê bibû.
Li gorî agahiyên Rûdawê, fermandarên Yekîneyên Parastina Gel (YPG) û berpirsên Partiya Karkerên Kurdistanê (PKK) di kongireyê de beşdar dibin.
Li gorî malpera fermî ya PYDê, nûnerên partiyên Rojhilatî, Tevgera Gorran û hin partiyên din ên Başûrê Kurdistanê jî tevlî kongreyê bûne. Herwiha li gorî agahiyên Rûdawê hin kesayetî û mezinên Rojavayê Kurdistanê di komgreyê de amade ne.
Beriya niha Şêwirmendê Hevserokatiya PYDê Sîhanok Dîbo gotibû, di şeşemîn kongreya PYDê de 300 delege û derdora 100 mêvanên Kurdistanî û biyanî beşdar bibin.
Rudaw
