Encûmena parêzgeha Kerkûkê mehek mohlet da penaberên ereb da ku ji Kerkûkê derkevin û vegerin navçeyên xwe ku ji çekdarên terorîstên DAIŞê hatine paqijkirin.

Endama encûmena parêzgeha Kerkûkê Gelawêj Cebarî ragihand: "Encûmena parêzgeha Kerkûkê biryar daye heyvekê wek mohlet bide penaberên ereb ên li bajêr bi taybetî ew penaberên ku navçeyên wan ji DAIŞê hatine paqijkirin, da ku vegerin cih û warên xwe."

Gelawêj Cebarî got: "Zêdetirî salekê ye aware yên ereb li Kerkûkê bi cî bûne lê belê bi ti awayî ji aliyê encûmena parêzgehên bajarên wan ve wezareta koç û koçberan a Iraqê û parlemana Iraqê ve tiştek bo wan nehatiye kirin û hemû pêdiviyên wan li ser bûdceya Kerkûkê hatiye dabînkirin."

Cebarî herwiha tekez kir, kir ku ew awareyên ereb ku navçeyên wan ji des tgerorîstên DAIŞê hatine derxistin û ji wan hatine pakkirin, xelkê Diyala û Tikrîtê ne.

Li gor amara fermangeha koçberan a Kerkûkê niha 110 hezar malbatên awareyên ereb li bajarê Kerkûkê bicih bûne ku hejmara wan 500 hezar kes e û bi wê yekê metirsiya guhertina demografiya Kerkûkê heye.