Hat zanîn ku çekdarên rêxistina îslamî ya radîkal a bi navê Cebhet el Nusra, ku wek baskê El Qaîdê yê Sûriyê jî tê nasîn, gundekî herêma Efrînê ya Rojavayê Kurdistanê dane ber topan.

Li gorî agahiyan, çekdarên Cebhet el Nusrayê, duh danê êvarê gundê Dêwa yê navçeya Cindirêsê ya Efrînê dabûn ber topan.

Hat gotin ku di encama topbaranê de gundiyek birîndar bibû.

Gundê Dêwa 5 km dûrî kampa Atmê ya bajarê Idlibê yê Sûriyê ye.

Heta niha gellek caran çekdarên Cebhet el Nusra herêma Efrînê dane ber topan.

Rudaw