Serokê Fransayê François Hollande dibêje ji bo çêkirina guhertina siyasî di nava Sûriyeyê de, divê garantî ji kurdan re bêne pêşkêşkirin.

Di çarçoveya civîna xwe ya li gel Balyozên Fransayê de ku li Parîsê civiyabûn, Serokê Fransayê François Hollande bal kişande ser rewşa Sûriyeyê û da xuyakirin, ku divê tevahiya aliyên girêdayî çareseriyê, di pêvajoya guhertin û veguhastina siyasî de beşdar bibin.

Hollande ev yek jî anî ziman ku bi mebesta guhertina siyasî divê danûstandin dest pê bikin, ew jî li gor 2 mercên sereke.

Hollande mercên bo asayîkirin û çareserkirina rewşa Sûriyeyê wiha anî ziman: "Ewa yekem dûrxistina Serokê Sûriyeyê Beşar Esed ji pêvajoyê ye û ya duyem jî pêşkêşkirina garantiyan ji Kurdan re ye."

Serokê Fransayê herwiha tekez kir, ku pêwîste di pêvajoyek wisa de garantî ji erebên sunnî re jî werin pêşkêşkirin.

Rudaw