Bi amade bûna Serok Barzanî termê rehmetî Feredûn Ciwanroyî hate veşartin.

Şeva derbasbûyî di dema veger ji eniyên şer, li ser rêya navbera Xebat û Hewlêrê karwana tirimbîlên endamê mekteb siyasiya partiya demokrata Kurdistanê û Fermandarê hêzên pêşmerge li mihwera Xazir Feredûn Ciwanroyî rastî bûyereke tirafîkê hatin û di encam de Ciwanroyî û keseke din canê xwe ji dest dan û sê kesên din jî birîndar bûn.

Duh danê sibê li bajarê Pîrmamê bi merasimeke fermî bi beşdariya Serok Barzanî û endamên Serkirdatiya PDKê û hijmareke zêde ji rayedarên siyasî û îdarî û girseyeke mezin termî rehmetî hate veşartin.

Ferdûn Ciwanroyî pêşmergeyê her du Şoreşên Eylûl û Gulanê bûye, di sala 1950 li bajarê Ciwanro ya li Rojhilatê Kurdistanê ji dayik bûye û di sala 1967an de tikilî li gel Şoreşa Eylûlê daniye.