Li navçeya Silopiya Şirnexê ku duhî li wê derê 3 kesan jiyana xwe ji dest dabû, rewşa aramiyê xirab e.

Li gorî agahiyên Rûdawê ji çavkaniyên herêmên standin, duh welatiyekê din jî ji aliyê polîsên Tikiyeyê ve hat birîndarkirin.

Çavkaniyan diyar kirin, taxa Barbaros û Başakê ji ber aloziyan hatine valakirin û welatiyên ji wê taxa çûnê cem mirovên xwe ên li taxên din.

Hat gotin duhî û îro jî niştecihên bajêr dikanên xwe venekirine û li her derê polîs bergiriya ewlehiyê dikin.

Herwiha li gorî agahiyan xelkên Silopiya nîve rojê jî ji tirsa ji malên xwe dernakevin û çûnûhatina wesayîtan jî gelekî kêm bûye.

Duhî Li bajarê Silopiya Şirnexê şer û pevçûn di navbera xwepêşndanderan û polîsên Tirkiyeyê de derketibû di encamê de 3 kesan jiyana xwe ji dest dabûn.

Parlamenterê Şirnexê Ferhad Encû ji Rûdawê re ragihandibû: “Li bajarê Silopiya xwepêşandanek li herdu taxên Avaşîn û Zap li dijî operasyonên polîs li ser malan birêve çû û di wê xwepêşandanê de pevçûn di navbera xwepêşanderan û polîsan de derket”


Faysal Sariyildiz wiha gotibû 6 xanî ji aliyê polîsên Tirkiyeyê ve hatine şewitandin.

Rudaw