Jiber nebûna bûdceyê, xeterî li ser mezintrîn projeya Herêma Kurdistanê ya dabînkirina elektrîkê heye lê hikûmet naxwaze ev proje raweste.

Endamê Lijneya Pişesazî, Wize û Çavkaniyên Sirûştî yê ya Parlamena Kurdistanê Fayiq Mistefa bo BasNews axivî û got ku, Hikûmeta Herêma Kurdistanê û kompanya Siemes a Almanî di sala 2012’ê de girêbesta projeya Scada ya Stratejîk mor kirin. Li gor vê girêbestê divê sîstema elektrika hersê bajarên Hewlêr, Duhok û Silêmaniyê bi rêya WİFİ bi hev re bêne girêdan.

Mistefa got ku jiber krîza darayî yek ji mezintirîn projeya Herêma Kurdistanê rawestiya ye û hikûmet ji bo berdewam kirina vê projeyê bûtçe digere.

Fayiq Mistefa destnîşan kir ku ji bo projê 48 meh danîne û ji bo encamdana projeyê jî 45 milyon dolar pêwîste. Lê belê perê germ di destê hikûmetê de nîne.

Basnews