Yekitiya Niştimanî ya Kurdistanê (YNK) ragihand, êrişa balafirên Tirk li dijî hêzên PKKê yên li Başûrê Kurdistanê ji zû de hatibû plankirin û ji Tirkiyê xwest, êrişên li ser Başûrê Kurdistanê bide sekinandin.

YNKê li ser operasyonên Tirkiyê li dijî hêzên PKKê yên li Başûrê Kurdistanê daxuyaniyek belav kir û bang li PKKê kir, bêhna xwe fireh bike.

Di daxuyaniya YNKê de her wiha hatiye gotin, ji ber ku hêzên Pêşmerge, gerîla û şervanên kurd di şerê DAIŞê de ne divê Tirkiye êrişên li ser Kurdistanê bide sekinandin.

YNKê ban li Serokatiya Herêma Kurdistanê û Hikûmeta Herêma Kurdistanê jî kiriye, çi ji destê wan tê ji bo sekinandina êrişên Tirkiyê bikin û partiyên siyasî yên Kurdistanê li ser vê mijarê bicivîne.

Balafirên şer ên Tirk ji şeva 24ê Tîrmehê ve li kamp û çeperên PKKê yên li Başûrê Kurdistanê didin.

Li gorî agahiyan, heta niha herî kêm 30 gerîla şehîd bûne û herî kêm 40 gerîla jî birîndar bûne.

Rudaw