Rêya geliyê Bainde li devera Nêrve-Rêkanê li herêma Behdînanê ya Başûrê Kurdistanê ji ber êrişên balafirên Tirkiyê hat girtin. Peyamnêrê Rûdawê jî ragihand, tê gotin ku heta niha “20 şehîd û birîndarên PKKê” li wê deverê hene.

Êrişên hewayî yên Tirkiyê ji duh ve heta niha li dijî hêzên PKKê yên li Başûrê Kurdistanê didome.

Peyamnêrê Rûdawê Nasir Elî li devera Nêrve-Rêkanê li geliyê Balinde ragihand, rêya geliyê Bainde ji ber rewşa ewlehiyê hatiye girtin û got, di encama bombebarana balafirên şer ên Tirkiyê de ziyanek mezin gihîştiye deverê, zevî û darên welatiyan.

Nasir Elî ji zarê xelkê deverê jî got, heta niha 20 gerîlayên PKKê ji ber êrişa balafiran şehîd û birîndar bûne.

Li gorî agahiyên Peyamnêrê Rûdawê, dengê balafir û êrişa hewayî ya li dijî hêzên PKKê yên li wê deverê ti bihîştin…

Hat zanîn ku heta niha 4 sivîlên wê devera Başûrê Kurdistanê li ber êrişa balafirên Tirkiyê ketine û birîndar bûne…

Rudaw