Daxuyaniya PKKê li ser şer
Artêşa Tirkiyê ji duh ve dest bi operasyoneke berfireh li dijî hêzên PKKê yên li Başûr û Bakurê Kurdistanê kiriye. Şeva borî balafirên şer ên Tirkiyê li tevahiya çeper û navendên PKKê yên li Başûrê Kurdistanê dan.
HPGê, ku baskê çekdar ê PKKê ye, li ser wan êrişan daxuyaniyek da û ragihand, balafirên şer ên Tirkiyê şeva 24ê Tîrmehê ji saet 23:00 ve dest bi lêdana navend û çeperên gerîlayên wan li Başûrê Kurdistanê kirine û ew êriş heta berbanga sibeha îro jî berdewam bûne.
Di daxuyaniya HPGê de wiha hatiye gotin: “Bi van êrişan êdî ti wateya agirbestê nemaye. Emê di demeke kurt de encamên vê bombebaranê ji raya giştî û gelê xwe re ragihînin”.
Rudaw
