بۆ تێگەیشتن لەوەی چی بۆ قژت گونجاوە، پێویستە بزانیت كە زەیتەكان قژ لە ناوەوە چاك ناكەنەوە وەك ئەوەی هەندێك كەس بڕوایان پێیەتی، بەڵكوو چەند ئەركێكی دیاریكراو ئەنجام دەدەن، وەك: داپۆشینی تاڵەقژ بە چینێكی پارێزەر كە لە لەدەستدانی شێ دەیپارێزێت، كەمكردنەوەی لێكخشاندن و گرێبوونی تاڵەكانی قژ، پاراستنی قژ لە هۆكارە دەرەكییەكان وەكوو خۆر و گەرمی، پڕكردنەوەی كەلێن و بۆشاییە سادەكانی چینی دەرەوەی قژ .

بەڵام ئەم ڕۆڵە سادەیە كاریگەرییەكەی جیاوازە لە نێوان قژێكی وشك كە پێویستی بە شێداركردنەوە هەیە، و قژێكی چەور كە لە بنەڕەتدا بەدەست زۆریی زەیت و چەورییە سروشتییەكانەوە دەناڵێنێت.

لێرەدا پرسیارە ڕاستەقینەكە دێتە كایەوە: ئایا قژت پێویستی بە زیادكردنی زەیت هەیە، یان نا؟

ئەگەر پێستی سەرت چەورییەكی زۆر بەرهەم بهێنێت، ئەوا زیادكردنی زەیت دۆخەكە خراپتر دەكات.

ئەگەر وشك بێت یان نەرمی و كشانی لەدەستدابێت، ئەوا بەكارهێنانی زەیت دەبێتە پێداویستییەكی سەرەكی نەك تەنها جوانكاری.