یەکێتیی ئەورووپا لە بەیاننامەیەکی فەرمیدا ڕایگەیاند: کە لە نزیکەوە لەگەڵ ئەمریکا و وڵاتانی دیکەی ئەندامی تاقمی حەوت بەردەوام دەبن بۆ پاراستن و بەردەوامبوونی فشارەکان لەسەر ئێران.

لە بەیاننامەکەدا یەکێتیی ئەورووپا پێویستیی سنووردارکردنی بەرنامە ئەتۆمیی و موشەکی بالیستییەکانی ئێرانی دووپات کردەوە و داوای لە تاران کرد خۆی لە کردەوەکان بەدوور بگرێت کە برۆکسل بە تێکدانی سەقامگیریی ناوچەکە دەیبینێت.

هەروەها یەکێتیی ئەورووپا پشتیوانی سەربازی ئێرانی بۆ ڕووسیا لە شەڕی ئۆکرانیا و ئەوەی ناوی دەبات "سەرکوتکردنی گەلەکەی لە ناوخۆدا" وەک بوارەکانی دیکەی نیگەرانی هێنایەوە.

بروکسل لە بەشی کۆتایی بەیاننامەکەدا هۆشداری داوە کە ئامادەیە لە ئەگەری پێویستدا ڕێوشوێنی زیاتر بگرێتەبەر بۆ پاراستنی ئاسایش و بەرژەوەندی و ئازادی کەشتیوانی لە گەرووی هورمز.

 

 

 

گوڵان: سەردار خەلیل