سیستەمی بەرگریمان شاكارێكی پەرەسەندنە، كە هەموو ڕۆژێك لە هەزاران ڤایرۆس و بەكتریا و میكرۆبەكانی دیكە دەمانپارێزێت كاتێك هەوڵی داگیركردنی جەستەمان دەدەن، بەبێ سیستەمی بەرگری كارا ئێمە لە ژیاندا نەدەماین، یەكێك لە سەرسوڕهێنەرەكانی سیستەمی بەرگریمان ئەوەیە توانای ناسینەوەی بەكتریا و ڤایرۆس و هۆكاری نەخۆشخەری هەیە هەروەها جیاكردنەوەیان لە خانەكانی جەستە خۆی، ئەو میكرۆبانەی كە هەڕەشە لە تەندروستیمان دەكەن بە یەك شێواز دەرناكەون هەموویان دەركەوتنی جیاوازیان هەیە. هەروەها زۆربەیان هەمان شێوەی پەرەپێدانیان هەیە لەگەڵ خانەكانی مرۆڤدا، وەك جۆرێك لە خۆشاردنەوەیە و جیاكردنەوەیان ئەستەمە، خانەكانی بەرگری لە ڕێگەی پرۆسەیەكەوە پێدەگەن كە پێی دەوترێت خۆبەرگریی ناوەندی (بڕوانە وێنەكە)، بەڵام دەركەوت كە سیستەمی بەرگریی لەشمان ئاڵۆزترە لەوەی كە پێیان وابوو زانراوە، ماری برونكو، فرێد رامسدێل و شیمۆن ساكاگوچی خەڵاتی نۆبڵی ساڵی ٢٠٢٥یان لە فیزیۆلۆژی یان پزیشكیدا پێبەخشراوە بەهۆی دۆزینەوەكانیان سەبارەت بە خۆبەرگرییە نەخۆشییەكان.