حیزبی شیوعی سودان لە بەیاننامەیەکی فەرمیدا بە توندی ئیدانەی کۆمەڵکوژی دەیان هاووڵاتی مەدەنی لە شارۆچکەکانی بارا و ئەلفاشیری کرد کە لەلایەن هێزە میلیشیاکانی "پشتیوانی خێرا" ئەنجامدراوە.

پارتەکە لە بەیاننامەکەیدا جەختی لەوە کردووەتەوە: کە دەبێت دەستبەجێ هەموو ئەو کەسانەی لەم تاوانانەدا ڕۆڵیان هەبووە، چ وەک فەرماندە و چ لە ئاستی مەیداندا دادگایی بکرێن.

لە راگەیەندراوەکەدا هاتووە: "ئەوەی لە دارفور و کۆردۆفان ڕوودەدات تەنها ململانێیەکی سەربازی نییە، بەڵکو تاوانی جەنگ و جینۆسایدێکی ئاشکرایە دژ بە دانیشتوانی مەدەنی.

هەروەها حیزبی شیوعی سوودان داوای لە کۆمەڵگەی نێودەوڵەتی و بەتایبەت نەتەوە یەکگرتووەکان و یەکێتی ئەفریقا کرد دەستبەجێ ڕێوشوێنی پێویست بگرنەبەر بۆ ڕاگرتنی کوشتارەکان و ناردنی یارمەتی مرۆیی بۆ ناوچە زیانلێکەوتووەکان.

 

 

 

گوڵان: سەردار خەلیل