باخچەكانی دەرەوەی ماڵ یان حەوشە شوێنێكی ئارامن بۆ خاوەن ماڵەكان، بۆیە بە گرنگیدان بە دیزاین و دیكۆر، ئەم شوێنانە دەگۆڕێن بۆ شوێنێكی گونجاو بۆ پێشوازیكردن لە میوان و بەسەربردنی كاتێكی خۆش.

1- ئەگەر لە دەرەوە نان دەخۆیت، مێزەكە بە ڕووناكیی هەڵواسراو ڕووناك بكەرەوە. بۆ حەسانەوە گڵۆپی زنجیرەیی لە چواردەور دابنێ، ڕووناكیی ئاراستەكراو نموونەییە بۆ شوێنی برژاندن.

2- پێویستە هەڵبژاردنی ڕووناكییەكان لەگەڵ دیزاینی باخچەی ماڵەكەتدا بگونجێت. بۆ دیمەنێكی مۆدێرن، ڕووناككردنەوەی ڕێڕەوەكان بە شێوازێكی سەرنجڕاكێش هەڵبژاردەیەكی نموونەییە. بۆ حەوشە كلاسیكییەكان رووناكیی فانۆس گونجاوترینە.

3- پرۆجێكتۆرەكان تایبەتمەندییە بیناسازییەكان بە باشترین شێوە دەردەخەن. ڕووناكیی ئاست نزم سەلامەتی لەسەر پەیژە و ڕێڕەوەكان زیاتر دەكات، هەروەها ڕووناكیی سەقف ڕووناكییەكی گشتگیر دابین دەكات. گڵۆپە زنجیرەییەكان بە شێوەیەكی رێك دابەش بكە بۆ ئەوەی لە یەكتر نەئاڵێن.

٤. دڵنیابە لەوەی كە دابەشكردنی ڕووناكییەكە گونجاوە وەك ڕووناككردنەوەی شوێنەكانی دانیشتن و ڕێڕەوەكانی نێوان گڵۆپەكان، هەروەها دڵنیابە لەوەی كە هەڵبژاردەكانت بەرگەی كەشوهەوا دەگرن و لەگەڵ ستانداردەكانی كارەبای شوێنەكانی دەرەوەدا دەگونجێن.