دوابەدوای بڕیارەکەی حکومەتی لوبنان بۆ داخستنی دۆسیەی چەکداری حزبوڵڵا تا کۆتایی ئەمساڵ، گرژی و ئاڵۆزییەکان لەو وڵاتەدا بەرزبووەتەوە و وەزیرە شیعەکانیش لە کۆبوونەوەکانی حکومەت کشاونەتەوە.

بەپێی زانیارییەکان، لایەنگرانی حزبوڵڵا ڕێگای زەحلە و ئاشتوورەیان لە ڕۆژهەڵاتی بێقاع داخستووە.

هەروەها سوپای لوبنان دوای ئەوەی لایەنگرانی حزبوڵڵا چوونە ناو ناوەڕاستی بەیروت، چەند کەسێکی دەستگیرکرد.

بەگوێرەی میدیاکانی لوبنان، پەیوەندییە ناڕاستەوخۆکانی نێوان ناوەندەکانی حکومەت و حزبوڵڵا لە دوای کۆبوونەوەی ئەم دواییە بەردەوامە.

مەبەست لەم پەیوەندیانە بەڕێوەبردنی دەرئەنجامەکانی بڕیارەکەی حکومەت و کۆنترۆڵکردنی دۆخەکە لەسەر زەوی و گەڕانەوەی وەزیرە شیعەکانە بۆ کابینەی حکومەت بەمەبەستی ڕێگریکردن لە پەککەوتنی کاروچالاکییەکانی کابینەکە.

 

 

 

گوڵان: سەردار خەلیل