لە ڕۆژی ئاهەنگی هاوسەرگیریدا، هەر خانمێكی بووك هەوڵ دەدات دەركەوتنێكی نموونەیی هەبێت، بەڵام لە ئامادەكارییەكاندا، زۆرێك تووشی هەڵەی وا دەبن كە بەبێ مەبەست ماكیاژەكەیان تێك دەدات، وەك:

 

پاككردنەوەی پێست (تقشیر) لە ساتەكانی كۆتاییدا: پسپۆڕانی جوانكاری ئامۆژگاری دەكەن كە لانیكەم هەفتەیەك پێش ئاهەنگی هاوسەرگیری، دانیشتنێكی پاككردنەوەی ناسكی پێست ئەنجام بدرێت.

 

بەكارهێنانی بەرهەمی نوێی چاودێریی پێست: ئامۆژگاری دەكرێیت پابەند بیت بەو بەرهەمانەی كە لە ڕۆتینی ڕۆژانەتدا بەكاریان دەهێنیت، وریابە و لە ساتەكانی كۆتاییدا سەركێشی مەكە بە گۆڕینی بەرهەمەكان.

 

لابردنی مووی دەست و ڕوخسار لە هەمان ڕۆژی ئاهەنگی هاوسەرگیریدا: بۆیە پێویستە لانیكەم سێ ڕۆژ پێش كاتی ئاهەنگی هاوسەرگیری موو لاببرێت .

 

پشتگوێخستنی شێداركردنی پێست: دڵنیابە لە خواردنەوەی بڕێكی پێویست لە ئاو ڕۆژانە، و پەیڕەوی ڕۆتینێكی چڕی شێداركردنەوە لە هەفتەكانی پێش ئاهەنگی هاوسەرگیریدا.

 

شەونخوونی و كەمخەوی: دڵنیابە لەوەی كە لە شەوەكانی پێش ئاهەنگی هاوسەرگیریدا لانیكەم هەشت كاتژمێر بخەویت، و لە كاتی هەستان لە خەودا ماسكی هێوركەرەوەی چاو بەكاربهێنە.