گومانی تێدا نییە كە نینۆكی جوان ڕەنگدانەوەی جوانی و ڕێكییە، هەر بۆیە زۆرێك لە خانمان پەنا دەبەنە بەر بەكارهێنانی نینۆكی دەستكرد و ماددە لكێنەرە بەهێزەكانی وەك سوپەر گلوو.

سەرەڕای ئەوەی كە ئەم ماددە لكێنەرە بە چارەسەرێكی خێرا و كاریگەر دادەنرێت، بەڵام چەندین زیانی هەیە كە لەوانەیە كاریگەریی نەرێنی بكەنە سەر تەندروستیی نینۆكەكان و پێست و تەنانەت تەندروستیی گشتییش:

كاتێك سوپەر گلوو لەسەر نینۆكەكان بەكار دەهێنرێت، چینێكی ئەستوور دروست دەكات كە كاردەكات بۆ جێگیركردنی نینۆكە دەستكردەكان، بەڵام بە تێپەڕبوونی كات، نینۆكە سرووشتییەكان بەهۆی بەرنەكەوتنیان بە هەوا و پێكهاتە خۆراكییە پێویستەكان بۆ گەشەی تەندروستیان، لاواز دەبن.

سوپەر گلوو پێك دێت لە ماددەی كیمیایی بەهێز، كە لەوانەیە ببێتە هۆی هەستیاریی پێستی دەوروبەری نینۆكەكان، بەتایبەتی كاتێك بۆ ماوەیەكی درێژ بەر پێست دەكەوێت.

بەكارهێنانی بەردەوامی سوپەر گلوو لەسەر نینۆكەكان، لەوانەیە ببێتە هۆی زیانی كەڵەكەبوو كە چارەسەركردنیان قورسە، بە تێپەڕبوونی كاتیش، لەوانەیە پەڵەی سپی یان درز لەسەر ڕووی نینۆكە سرووشتییەكان دەربكەوێت.