تۆز و خۆڵ و ماددە هەستیارییەكان و تەنانەت دڵۆپەی ئارەقی جەستەش لەسەر سەرین و پشتی كۆدەبنەوە و پەڵە درووست دەكەن. بۆ شوشتنی سەرینەكان بەبێ زیانگەیاندن، لە هەر پێكهاتەیەك بن، دەتوانرێت لە جلشۆرەكەدا بشۆردرێن، لەگەڵ چەند ڕێگەیەك بۆ پارێزگاریكردن لێیان.

• بۆ ڕێگریكردن لە كۆبوونەوەی تۆز و خۆڵ، هەمیشە بەرگی پارێزەر بەكار بهێنە.

• هەفتانە جارێك بەرگی سەرینەكەت بگۆڕە، لایەنی كەم مانگانەش جارێك بیشۆ.

• هەرگیز لەسەر سەرین مەخەوە كاتێ كە قژت تەڕە.

•  سەرینەكان لە وشككەرەوەی جلوبەرگدا دابنێ لەسەر خولی هەوا بۆ ماوەی دە خولەك، بۆ یارمەتیدان لە لابردنی تۆز و خۆڵ.

•  هەر جارێك كە بەرگی سەر جێگاكەت دەگۆڕیت، سەرینە ئیسفنجییەكان بە باشی بە گسكی كارەبایی پاك بكەرەوە، بۆ لابردنی خانە مردووەكانی پێست و پەڵەی تۆز و هۆكارە هەستیارییەكانی دیكە كە لەسەری كۆدەبنەوە.

•دوای ئەوەی نوێ دەكرێتەوە ئەگەر سەرین نەگەڕێتەوە باری ئاسایی خۆی، یان دوای شوشتن نەكشابێت، ئەوا كاتی ئەوە هاتووە بیر لە كڕینی سەرینێكی نوێ بكەیتەوە.