شۆردنی دەموچاو بە یەكێك لە گرنگترین ئەنجامەكانی چاودێریی پێست دادەنرێت، كە دەبێت ڕۆژانە بەردەوام بیت لە گرنگی پێدانی، سەرەڕای ئەوەش زیاد لە پێویست شۆردنی دەموچاو دەبێتە هۆی زیانگەیاندن بە پێست و چەندین كێشەی پێست درووست دەكات.

 بە شێوەیەكی گشتی پێویستە ڕۆژانە دووجار دەموچاوت پاك بكەیتەوە، بەیانیان و ئێواران، ئەوەش بە سەرنجدان بەوەی كە پێست بە شێوەیەكی سرووشتی بە درێژایی ڕۆژ چەوری و شێداركەرەوە بەرهەم دەهێنێت، ئەمە جگە لە كاریگەرییەكانی ماكیاژ و تۆز و پیسی، كە بە درێژایی ڕۆژ لەسەر پێست كۆ دەبێتەوە.

 بۆ ئەوەی پێستت بەردەوام نەرم و شێدار بێت، ئەم ڕێنماییانە پەیڕەو بكە.

• دەموچاوت بە ئاوی شلەتێن تەڕ بكە.

• لە كاتی شۆردنی دەموچاو سەری پەنجەكانت بدە لە پێستت و، بە جووڵەی بازنەیی لە خوارەوە بۆ سەرەوە بیگوازەرەوە.

• بەتایبەتی سەرنج بدە بە ناوچەی (T)ی دەموچاو، واتە نێوچەوان بەرەو خوارەوە.

• دەموچاوت بە باشی بە ئاو بشۆرە و بە بەكارهێنانی خاولییەكی پاك، بە نەرمی وشكی بكەرەوە.