هۆڵی کولتوری جیهان رەنگ و سیرامیک ئاوێزانی یەکتر کرد
بەشی رۆشنبیری و هونەری زانکۆکانی جیهان، لە چوارچێوەی چالاکییە فرە رەنگیەکاندا، جەژنە رۆژی رەنگ و سیرامیکی بۆ ژمارەیەکی بەرچاو لە پەیکەرتاشانی کورد و عەرەب ساز کرد.
لە پێشانگاکەدا، پەیکەرە بچووک و رەنگاورەنگەکان، بە زمانی هونەرەوە تێکەڵ بە روحی مرۆڤایەتی دەبوون و هەریەک لەو پەیکەرانەش گوزارشت بوون لە سەلیقە جوان و داهێنانی پەیکەرتاشان خرایە روو، بەشێکیش لە پەیکەرەکان بە واتای نوقم بوون بوو لە سەختی و ئازارەکانی ژیان و گەڕانەوەیەک بوو بۆ مێژووی هاوچەرخ و سەرهەڵدانی هونەر و کلتوربوو لە نێو کورد و نەتەوە جیا جیاکاندا لە چوارچێوەی خوارووی عێراقدا.
ئەندازیار بورهان، خاوەن بیرۆکەی رێکخستنی ئەو چالاکییه هونەرییە راگەیاند: هەفتانە ناوەندە کولتوری و هونەرییەکەمان لە ئەنجامدانی چالاکی گۆرانی و موزیک و رۆشنبیری بەردەوامە، جگە لە بەڕێوەچوونی فیستیڤاڵی کولتوری، لەم چالاکییەشدا ئامانجمان گرێدانی پێوەندییەک بوو لە نێوان پەیکەرتاشانی کورد و نەتەوە جیاکاندا، کە بتوانین هونەری هەردوولا ئاوێتەی یەکتر بکەین و سوود لە ئەزموونی هونەرمەندانی خۆمان وەرگرین و پشتیوانی لە کار و بەرهەمەکانیان بکەین، بۆ ئەوەی لە داهاتوودا خزمەت بە هونەری رەنگ و شێوەکاری بکەن لە هەرێمی کوردستان و فەرهەنگی کوردی بە گەلانی دنیا ئاشنا بکەن.لە هەوڵی ئەوەشین لە داهاتووتییەکی چەندین چالاکی جۆراوجۆرمان دەبێت بۆ ئەوەی بتوانین هەماهەنگی زیاتر لە نێوان شارەکانی کوردستان وعێراق دروست بکەین لە هەموو ڕوویەکەوە.
