وەرزی گەرما جلوبەرگ بە خانمان دەگۆڕێت، كە پێویستە جلەكە لەگەڵ كەشی گەرمادا بگونجێت و، هەروەها مۆدێك بێت كە پۆشتە و ناوازە بێت بۆ هەموو كات و شوێنێك، شێوازی جلوبەرگی هاوینە جیاوازیی زۆری هەیە لەگەڵ وەرزەكانی دیكەدا، ئەگەر تەنوورە بە نموونە وەربگرین، كە جلێكی خواست لەسەرە و لە نێو خانمانی ماڵ بە تایبەتی دەپۆشرێت، تەنوورە وەك جلێكی پڕ كەسایەتی بۆ ماڵ و شوێنی فەرمی و دەوام گونجاوە، ئەو تەنوورانەی بۆ ماڵ و شوێنی گشتی دەپۆشرێن، پێویستە لە رەنگە فەرمییەكان بن، وەك: رەش، سپی، قاوەیی، ئەو سێ رەنگە لەگەڵ زۆربەی جلەكانی دیكەدا دەگونجێن، هەروەها تەنوورەی زیاتر لە رەنگێك، وەك رەش و سپی، یان رەش و رەنگێكی دیكە، هەروەها تەنوورەی سپی و رەنگێكی دیكە، بۆ دەرچوون و سەردان شیكە، تەنوورەی رەنگاورەنگ یان رەنگە تۆخ و كاڵ، بۆ گەشت و بازاڕكردن دەگونجێت، باوترین مۆدی جلوبەرگ لەگەڵ تەنوورەدا، بریتییە لە قەمیس، كە مۆدێكی ناسك و سادە بە جەستەی خانمان دەدات، هەروەها شێوازێكی سەرنجڕاكێشی هەیە، بۆ ئەوانەی باڵایان بەرزە، دەتوانن تەنوورەی بە نەخشی ئاسۆیی بپۆشن، تا لەگەڵ جەستیاندا بگونجێت و شێوەی جەستەیان بەرزتر نیشان نەدات، ئەوانەشی باڵایان كورتە و ناوەندە، دەكرێت تەنوورەی شێوەی نەخشی ستوونی بپۆشن، كە باڵایان بەرز نیشان دەدات.