ڤیتامین B12 كە ناسراوە بە كۆبالامین Cobalamin، ڕۆڵی گرنگی هەیە لە دروستبوونی خڕۆكە سوورەكانی خوێن، میتابۆلیزم (گۆڕینی خۆراك بۆ وزە)، فرمانی دەرماەكان، لەگەڵ دروستبوونی DNA. سەرچاوە خۆراكییەكانی ڤیتامین B12: شیر و بەرهەمەكانی، هێلكە، ماسی، گۆشتی سوور، گۆشتی پەلەوەر. پێویستیی ڕۆژانە بۆ كەسانی پێگەیشتوو بریتییە لە 2.4 مایكرۆگرام جگە لە كەمی ڤیتامین B12 لە خۆراكدا، هۆكارە هاندەرەكان بۆ زیادبوونی ئەگەری كەمی ئەم ڤیتامینە بریتین لە: هەوكردنی گەدە، هەوكردنی ڕیخۆڵە و مشەخۆری ڕیخۆڵە، پەیڕەوكردنی خۆراكی ڕووەكی Vegetarian، خواردنەوە ئەلكهولییەكان، زیانی لابەلای چەند دەرمانێك بەتایبەتی ئەو دەرمانانەی كە بۆ كولبوونی گەدە و دوازدەگرێ بەكاردێن. نیشانەكانی كەمی ڤیتامین B12: هەستكردن بە بێهێزی و ماندووبوون، دڵەكوتێ، هەناسەڕاوكێ، لووسبوونی زمان، قەبزی، كۆبوونەوەی گاز لە كۆئەندامی هەرسدا، سكچوون، كەمبوونەوەی ئارەزووی خواردن، لاوازبوونی ماسوولكە، هەستكردن بە سڕبوونی دەست و پێیەكان، خەمۆكی، گرفت لە بیرهاتنەوەدا