کتێبی (بۆ مێژوو) لە نووسینی سەرۆک بارزانی کە ماوەیەک لەمەوبەر بڵاو کرایەوە، کتێبێکی بەڵگەیی، دیکیۆمێنتاریی سیاسی و مێژووییە و تایبەتە بە هەوڵ و خەباتی نەتەوەی کورد لەپێناو سەربەخۆیی کوردستان و دەستەبەربوونی مافەکانی و بەتایبەتی پرۆسەی ڕیفراندۆم بۆ سەربەخۆیی کوردستان کە ساڵی ٢٠١٧ سەرۆک بارزانی سەرپەرشتی کرد کە لەم کتێبەدا بە شێوەیەکی زانستی و لەسەر بنەمای بەڵگە و ڕاستیی ڕووداوەکان شرۆڤە کراوە و خوێندنەوە بۆ پێشهاتەکان کراوە.

گرنگیی ناوەرۆکی ئەم کتێبە و کاریگەریی لە نێوەندە سیاسی و ڕووناکبیرییەکان، بووەتە هۆی ئەوەی کە کتێبەکە جیا لەوەی بە زمانی کوردی (سۆرانی و کرمانجی) چاپ و بڵاو کراوەتەوە، هاوکات بۆ سەر چوار زمانی دیکەی (عەرەبی، تورکی، ئینگلیزی و فارسی)یش وەرگێڕدراوە و ئێستا لە ماڵپەڕی فەرمیی سەرۆک بارزانی بەردەستە.

لە ڕێگای ئەم بەستەرانەی خوارەوە دەتوانن کتێبی "بۆ مێژوو"ی سەرۆک مەسعود بارزانی دابەزێنن کە بە فۆرماتی پی دی ئێف و وەرگێڕان بۆ چەندین زمان ئامادە کراون.