فازیل حاجی وتەبێژی هاتوچۆی هەولێر لە لێدوانێكدا ڕوونی كردەوە كە  هەر هاووڵاتییەك بەنیاز بێت ئۆتۆمبێلەكەی لە پارێزگایەكەوە بۆ پارێزگایەكی دیكە بگوازێتەوە، دەبێت داواكارییەك لە هەولێر پێشكەش بكات و پاش وەرگرتنی ڕەزامەندی دەست دەكات بە مامەڵەكردن بۆ گواستنەوەی ئۆتۆمبێلەكەی.

ناوبراو ئاماژەی بەوەش دا كە  لە هەموو پارێزگاكانی هەرێم مامەڵەی گواستنەوەی ئۆتۆمبێل بۆ هاووڵاتیان دەكرێت و دوای پێشكەش كردنی داواكاری و وەرگرتنی ڕەزامەندی، هاووڵاتی دەتوانێت لە شارەكەی خۆی مامەڵەی گواستنەوە بكات و پاش دانی رسومات و غەرامە، فایلەكەی ڕەوانەی هەولێر دەكرێت و مامەڵەی بۆ دەكرێت و دواتر ژمارەی ئۆتۆمبێلەكەی لێ وەردەگرنەوە و ژمارەی ئەو شارەی پێ دەدرێت كە خۆی دەیەوێت. له‌باره‌ی وەرگرتنی پارە لە هاووڵاتیان بۆ گواستنەوەی ئۆتۆمبێلەكانیان وتەبێژی هاتوچۆی هەولێر گوتی: تەنیا رسومات و غەرامە وەردەگیرێت.