دانانی تۆرباینەکە بە کێشی 134 تۆن بە گرنگترین قوناخی پرۆژەکە دادەنرێت.
پرۆژەکە لە رێگای کارۆئاوییەوە بە تێچوونێکی کەم وزەی کارەبا بەرهەم دێنێت و ژینگە دۆستە.
وەزیری کارەبا، کەمال محمد و پارێزگاری دهۆک، عەلی تەتەر ئامادەی پرۆسەی دانانی تۆرباینەکە بوون.
پرۆژەکە بە دوو یەکەی بەرهەمهێنان، توانای بەرهەمهێنان 38 مێگاوات کارەبای هەیە.
وەزیری کارەبا، یەکەکانی وێستگەکە بەسەر کردەوە و لە لێدوانێکدا بۆ دەزگاکانی راگەیاندن باسی لە گرنگی پرۆژەکە لە بواری ئابووری و ژینگە بۆ کەرتی کارەبای هەرێمی کوردستان کرد.
بڕیارە پرۆژەکە لە کۆتایی ئەمساڵدا تەواو بکرێت و بە توڕی کارەبای هەرێمەوە ببەسترێتەوە.
پرۆژەی کارۆئاوی دێرەلۆک لە گەلیی رەشاڤە سێیەمین پرۆژەی هایدرۆلیکی هەرێمی کوردستانە، کە لە لایەن دوو کۆمپانیای ئێرانییەوە جێبەجێ دەکرێت.
بڕیارە پرۆژەکە لە کۆتایی ئەمساڵدا تەواو بکرێت و بە توڕی کارەبای هەرێمەوە ببەسترێتەوە