ژ ئەنجامێ پەقینا مینەکا چاندی ب تیمەکا ڤەگۆھاستنا کارەبێ،ل دەمێ کارکرنێ ل ناحیا کانی ماسێ سێ کەس ژ کارمەندێن کارەبێ و رێنیشاندەران بریندار بونە و پارێزگارێ دھۆکی ل نەخۆشخانا تەنگاڤیا ل دھۆکێ راگەھاند کۆ خەلکێ مە زەرەرمەندێن شەرێ پەکەکێ و تورکیا نە.

د.على ته‌ته‌ر پارێزگارێ دهۆكێ پشتئ سه‌رەدانا نه‌خوشخانا ته‌نگاڤیا ل دهۆكێ کری دكونگره‌كێ رۆژنامه‌ڤانی دا ل به‌راهیێ داخازا سلامه‌تیێ بۆ برینداران کر و دیاركر كۆ شڤێدى ژئە‌گه‌رێ شه‌رێ دناڤ به‌را له‌شكەرێ توركیا وپه‌كه‌كێ، ستونه‌كا كاره‌بێ هاتبو ئێخستن و كاره‌ب ژگه‌له‌ك گوند وكومه‌لگه‌ها وسه‌نته‌رێ ناوچه‌داریا كانى ماسێ هاتبو برین، و ئه‌ڤرو سپێدێ تیمێن ته‌كنیكى قه‌ستا وى جهى كر بۆ چارەسەرکرناڕ هێلا كاره‌بێ و ژنشكه‌كێ ڤه‌ مینەکا چاندى ب وان کەسان ڤە دپەقیت و 3 كارمه‌ندێن حكومه‌تێ برینداركرن، لەورا ئه‌م هاتینه‌ دا ژنێزیكه‌ ره‌وشا وان ببینین و یا دشیاندا بیت دێ بۆ ئەنجامدەین تا کۆ ره‌وشا وان باش ببیت".

پارێزگارێ دهۆكێ ته‌كه‌زكر ژی کر: "ئەڤ شه‌ر هه‌ى دناڤبه‌را له‌شكرێ توركیا وپه‌كه‌كێ زه‌ره‌رێ ب خه‌لكێ پارێزگه‌هێ و كوردستانێ دگه‌هینیت وخه‌لكێ مه‌ دبیته‌ قوربانى و شه‌هید وبریندار وده‌ربه‌ده‌ر دبن وخواست دخازین تورکیا وپه‌كه‌كه‌ شه‌رى وئاریشێن خو ل ناڤ وه‌لاتێ خۆ دا چاره‌سه‌ر بكه‌ن وهه‌ردوو لا ته‌فه‌هوما ره‌وشا خه‌لكێ مه‌ بكه‌ن".











باسنيوز