ده‌سته‌ی سه‌رۆكایه‌تیی په‌رله‌مانى كوردستان له‌به‌یاننامه‌یه‌كدا كه‌واژۆی سه‌رۆكی په‌رله‌مانی له‌سه‌ره‌و ‌ئاراسته‌ی گشت ئه‌ندامانى په‌رله‌مانى كوردستان كراوه‌، تێیدا ئاگاداریان ده‌كاته‌وه‌ كه‌بڕگه‌یه‌كی تر به‌ڕیزبه‌ندیی (دووه‌م) بۆ به‌رنامه‌ی كارى دانیشتنی ژماره‌ 10ى ئاساییی رۆژی سێشه‌ممه‌ 2021/4/27 زیادكراوه‌.

بەپێی راگەیاندراوێکی دوێنێی پەرلەمانی کوردستان بەرنامەی کاری دانیشتنه‌كه‌ی سبەی سێشه‌ممه‌ 2021/4/27، بریتییە لە، "خستنه‌ڕوو و گفتوگۆكردنی كێشه‌كانى (منداڵان و هاووڵاتییانی خاوه‌ن پێداویستیی تایبه‌ت و خانه‌واده‌كانیان، به‌ئاماده‌بوونی وه‌زیرى (كاروكاروبارى كۆمه‌ڵایه‌تی)ى حكوومه‌تی هه‌رێمی كوردستان، به‌پێی حوكمى بڕگه‌ی(یه‌كه‌م)ى مادده‌ى 66 له‌په‌یڕه‌وی ناوخۆی په‌رله‌مانى كوردستان".

هەروەها ئەمڕۆ بڕگەیەکی دیکە بۆ کۆبوونەوەکەی سبەی پەرلەمان زیادکراوە و ئاماژە بەوەدراوە، کە كه‌ بڕگه‌ زیادكراوه‌كه‌ی دانیشتنی سبەی پەرلەمان گفتوگۆیه‌كی كراوه‌ى ئه‌ندامانى په‌رله‌مان له‌سه‌ر پاراستنی ئاشتیى كۆمه‌ڵایه‌تی و رێزگرتن له‌به‌ها پیرۆزه‌ ئایینی و كۆمه‌ڵایه‌تییه‌كان و ئازادییه‌ بنه‌ڕه‌تییه‌كانی مرۆڤ ده‌بێت.













باسنيوز