حکوومەتی هەرێمی کوردستان ڕەزامەندیی خەرجکردنی پارەی مامۆستایانی چاودێری هۆڵەکانی تاقیکردنەوەکانی ساڵی رابردووی دا.

بەپێی نووسراوێکی ئەنجوومەنی وەزیرانی کوردستان، کە لە 6/4/2021 بۆ وەزارەتی دارایی نێردراوە و، ئاماژە بە خەرجکرنی پارەی ئەزموونەکانی پەروەردەکانی هەرێمی کوردستان کراوە.

بڕی پارەکە سێ ملیار و 910 ملیۆن دیناره‌ و بۆ پەروردەکانی هەولێر و دهۆک و سلێمانی و گەرمیان و هەڵەبجە خەرج دەکرێ.

ئەو پارەیە دەدرێتە ئەو مامۆستایانەی کە لە ئەزموونەکانی ساڵی خوێندنی 2019_2020 چاودێریی هۆڵەکانی تاقیکردنەوە بوونە.

مەریوان بەگۆ، بەڕێوەبەری گشتیی دیوان لە وەزارەتی پەروەردە، نووسراوەکەی پشتڕاست کردەوە و ڕايگەیاند:" ڕەزامەندی لەسەر خەرجکردنی پارەی تاقیکردنەوەکانی وەرزی خوێندنی ساڵی ڕابردوو دراوە و چاوەڕوانین ڕێکارەکانی خەرجکردنی تەواو بکرێ.

جەختی کردەوە، ئه‌و بڕه‌ پارەیە بۆ پەروەردەی هەموو پارێزگاکان خەرج دەکرێت، ئەویش به‌پێی لیستی بەشدارانی چاودێریی خولی یەکەم و دووەم.













باسنيوز