ئەمڕۆ چوارشەممە مەسرور بارزانی سەرۆکی حکوومەتی هەرێمی کوردستان، پێشوازی لە ستاڤرۆس کریمیس کۆنسوڵی گشتیی نوێی یۆنان لە هەولێر کرد.

سەرۆکی حکوومەت پیرۆزبایی دەستبەکاربوونی لە کۆنسوڵی نوێی یۆنان کرد و هیوای سەرکەوتنی بۆ خواست لە کاری تازەیدا و دووپاتیشی کردەوە کە هەرێمی کوردستان، پێشوازی لە پەرەپێدانی پەیوەندییەکانی لەگەڵ یۆنان دەکات.

کۆنسوڵی گشتیی یۆنان وێڕای ئاماژەدان بە پەیوەندیی دۆستانە و مێژوویی نێوان یۆنان و هەرێمی کوردستان، جەختی لەوە کردەوە کە هەرێمی کوردستان، پێگەیەکی گرنگی هەیە و فاکتەرێکی سەقامگیرییە لە ناوچەکەدا. ئامادەیی وڵاتەکەشی بۆ بەهێزکردنی پەیوەندییەکان لەگەڵ هەرێم لە هەموو بوارەکاندا دەربڕی.













باسنيوز